20 сотих мадонни оддий бир марта суғориш учун гидромодил бўйича гектарига 1000-1100 м3 сув сарфланадиган бўлса, мавсум давомида 6-7 марта суғорган тақдирда 20 сотих майдон учун бир марта суғоришга 200-220 м3 мавсум бўйича 1200-1540 м3 сарфланади.

Agrosubsidiya.uz орқали субсидия турини танлаб ариза қолдиришингиз мумкин. Сувни тежайдиган технологияларни жорий этишда субсидия олиш учун “Агросубсидия” ахборот тизимида қуйидаги йўналишлар бўйича ариза юбориш мумкин: ✔️пахта хом ашёси етиштиришда томчилатиб суғориш технологиясини жорий этиш бўйича харажатларнинг бир қисмини қоплаш;
✔️ донли экинлар, сабзавот экинлари ва картошка, полиз экинлари, озуқабоп, мойли ва дуккакли экинлар ҳамда доривор ўсимликлар учун жорий этилган сувни тежайдиган суғориш технологияларини жорий қилишга сарфланган харажатларнинг бир қисмини қоплаш;
✔️ янги интенсив боғ ва токзорларда сувни тежайдиган технологияларни жорий этишга сарфланган харажатларнинг бир қисмини қоплаш;
✔️ сув таъминоти оғир ҳудудларда аҳоли томорқа ер майдонларини суғориш учун вертикал суғориш қудуқларини бурғулаш ва ишга туширишга сарфланган харажатларнинг бир қисмини қоплаш.

етиштириладиган майдонларда жорий килинган томчилатиб суғориш технологияси учун ҳар бир гектарига 8 млн сўм субсидия маблағларининг базавий ҳисоблаш микдорлари белгиланган, сиз Агросубсидия ягона ахборот тизими орқали ариза беришингиз мумкин!

Янги ташкил этилган иссиқхоналар учун субсидия маблағлари Вазирлар Маҳкамасининг 327- сонли қарор талаблари асосида боғдорчилик ва иссиқхона хўжалигини ривожлантириш агентлиги томонидан ажратилади.

Эгилувчан қувурлар Жиззахпластмасса АЖ ва "Green Belt" МЧЖ томонидан ишлаб чикарилмокда, ушбу қувурларнинг 1 комплекти 6-8 млн. сўмни ташкил этади ва ушбу комплект билан 20 гектарни суғориш мумкин.

Кўчма эгилувчан қувурлар ёрдамида суғориш ‐ жўяк олиб экиладиган ғўза, кузги бошоқли дон экинлари, пиёз, кунгабоқар, лавлаги ва бошқа қишлоқ хўжалиги экинларини суғоришда қўллаш тавсия этилган.

Эгилувчан қувурли суғориш комплекти (ЭҚСК)дан фойдаланиб экинларни суғориш афзалликлари қуйидагилардан иборат: 

•Экинларни суғориш вақтида ўқариқ ва шохариқлар ўзанларидан филтрасияга йўқотиладиган сувларни тежаш.
•Ҳар бир суғориш эгатига бир хилдаги сув миқдорини таъминлаб бериш.
•Даланинг узунлиги бўйича нисбатан бир хил намланишига эришиш.
•Экинларни суғориш вақтида эгатлар ўзанида кузатиладиган тупроқ эррозиясини олдини олиш.
•Сувчиларнинг меҳнатини камайтириш.

40 га пахта  ер майдонини томчилатиб суғориш тизимини жорий қилаябмиз. Барча махсулотлар тайёр сотиб олинган. Фақат шлангларни ва насос филтрларни ўрнатиш ва ишлатиш учун пудратчига мурожаат қилмасдан фермер хўжалиги ўз маблағи эвазига ўзимиз ўрнатсак субсидия олиш учун қилинган иш ва харажатни кўрсата оламизми?

2024 йил 1 мартгача Қашқадарё вилояти Касби туманида барча сув кириш нуқталари бошқарувини рақамлаштириш ва сувни фойдаланувчиларга етказиб бериш бўйича тажриба-синов лойиҳаси амалга оширилади.

“Сув ҳисоби” ахборот тизими

2025 йил 1 январдан қуйидаги тартиб жорий этилади:
✔️ республиканинг барча ҳудудларида “Сув ҳисоби” АТ жорий қилинади;
✔️ қишлоқ хўжалиги ерларини суғоришда ишлатилган сув ресурсларидан фойдаланганлик учун солиқларни ҳисоблашда “Сув ҳисоби” АТ орқали тақдим этилган маълумотлар асосида солиқ органлари томонидан солиқ ҳисоботларини автоматик шакллантириб бериш амалиёти жорий этилади.

“Сув ресурсларидан фойдаланиш самарадорлигини ошириш бўйича кечиктириб бўлмайдиган чора-тадбирлар тўғрисида”ги Президент қарори (ПҚ–107-сон, 01.04.2023 й.) қабул қилинди.

Ушбу қарорга мувофиқ:

✔️ тижорат банклари кредитларининг гаров таъминоти 50 фоизгача, бироқ 2,5 миллиард сўмдан ортиқ бўлмаган миқдорда Тадбиркорлик фаолиятини қўллаб-қувватлаш давлат жамғармаси кафиллиги асосида таъминланади;
✔️ тижорат банкларининг миллий валютада ажратиладиган, фоиз ставкаси Марказий банк асосий ставкасининг 1,5 бараваридан ошмаган кредитлари бўйича фоиз ставкасининг асосий ставкадан ошган, бироқ асосий ставканинг 30 фоизидан кўп бўлмаган қисмини қоплаш учун Жамғарма ҳисобидан компенсация тақдим этилади. 
Сув тежовчи технологияларни жорий этиш учун  субсидия нархлари ҳам оширилди. 

Баъзи кам суғориладиган ҳудудларда экинларни ёмғирлатиб суғориш асосий усул ҳисобланади.

Бу усулнинг юқори самарадорлиги, сувни тежаши (20—40%га) махсус суғориш тармоқлари қурилишини талаб қилмаслиги, далаларда ҳар йили текислаш тадбирлари ўтказишнинг шарт эмаслиги, суғориш вақтида тупроқда намнинг ортиши ҳамда шу суғорилаётган майдоннинг юзасида ҳаво ҳароратини пасайтириши билан ажралиб туради.

Бироқ тажрибалардан эгатларга сув тараб суғоришни ёмғирлатиб суғориш усулига бутунлай алмаштириб бўлмаслиги кўринди.

Шунинг учун ёзнинг иссиқ кунларида, карам бош ураётганида ёки картошка ҳосилга кирганда экинлар қўшимча равишда ёмгирлатиб суғорилади. Ёмғирлатиб сугоришнинг кенг миқёсда қўллаш кўп асбоб-ускуналар сотиб олишни тақозо қилади.

Шунингдек, ёмғирлатиб суғорганда ўсаётган экинларнинг майин тупроғи қатқалоқ бўлади, баъзи сабзавот экинлари ёш ниҳоллигида механик таъсирга сезувчан бўлганлиги учун тез зарарланиши мумкин.

Ёғинлар миқдори кам бўлган ҳамда тупроғи енгил механик таркибли ҳудудларда экинларни бир текис униб чиқиши учун тупроқда зарур миқдордаги намликни яратиш талаб қилинади. Бунинг учун эрта баҳорда ёки экиш олдидан нам тўпловчи суғоришлар ўтказиш тавсия қилинади.

Нам тўплаш суғоришларининг муддат ва меъёрлари одатда экин майдонларининг тупроқ шароитларига қараб белгиланади. Нам тўплаш суғоришларини эртароқ, яъни ҳозирги кунлардан кечга қолдирмай ўтказилса мақсадга мувофиқ бўлади.

Бунда суғориш меъёрлари – енгил таркибли тупроқларда 850- 900 м3/га, ўрта таркибли тупроқларда 950-1100 м3/га, оғир таркибли тупроқларда 1000- 1200 м3/га миқдорида, эгатлар кенглиги 60-70 см, эгатлар узунлиги 50-100 метр қилиб белгиланади.

Тупроқдаги намликни сақлаш учун ерни юзаси (8-10 см қатлами етилганда) икки қаторли (биринчи қаторда 6 та, иккинчи қаторда ҳам 6 та, жами 12 та боронани бир–бирига тиркалган ҳолдаги) оғир борона билан юмшатиб чиқилади.