💦 Каспий денгизи ҳам қуримоқда
![12](http://suvni-asrang.uz/storage/posts/September2023/Xgk1DEBb1HbRUgqXuk2v.jpg)
Қозоғистонлик қардошлар Каспий денгизининг Қозоғистонга тегишли қисми қуриб бораётганидан ташвишга тушишган (https://b24-iydwcl1.bitrix24.site/novosti/novostdetalnoz_6_3150/). Охирги 15 йилда олинган космик суратларни ўрганган мутахассислар денгизнинг шимолий-шарқий, Қозоғистонга тегишли қисмининг 7,1%и қуриб бўлганини аниқлашган.
Каспийнинг қуриган қисми 8,1 минг квадрат километр ёки иккита Андижон вилояти ҳудудига тўғри келади. Суратларга қаралса, денгизнинг ўрнида Атирау шаҳри яқини ва Урал (Ёйиқ) дарёси дельтасида улкан янги чўл ҳосил бўлганини кўриш мумкин.
Каспийнинг мазкур қисми Ўзбекистонга ҳам жуда яқин ҳудуд экани инобатга олинса, унинг иқлим ўзгаришлари ва экотизимга таъсирини биз ҳам янада кўпроқ сеза бошлаймиз.
Аввалроқ денгиз Туркманистон қирғоқларидан ҳам жуда тез чекинаетгани, машҳур Аваза курортларидан денгиз 100 метргача қочиб кетгани айтилганди. Денгизнинг таркиби бўлган Қорабўғозкўл деярли алоҳидалашиб қолган (прогнозларга кўра, яқин 20 йилда тўлиқ қуриб битади). Буни ҳатто Тошкентдан Баку ёки Тбилисига учаетган самолетлар йўловчилари ҳам кузатишлари мумкин.